يعني إحنا إتربينا طول عمرنا على إن الانتخابات دي بتبقي موسم بيزنس عند المصريين بيهيصوا فيه ،، مبدئياً بناخد على حسّها أجازة من المدرسة ،، و المصريين بيطلعوا منها بموبيلات ،، تليفزيونات ،، أوض نوم ،، زيت ،، سكر ،، دهب ،، يأوت ،، و مرجان ...
لكن تيجي عليّا أنا في المرة إللي حشارك فيها في الحياة السياسية يقولي "لأ" دي انتخابات نزيهه و صوتك أمانة و حدد مصير بلدك و كلام يوجع الضمير ... يعني دي رابع مرة أروح أقف في طابور طويل في عز الشمس عشان أدّي صوتي و أرجع "بس" بصورة مع صباعي البمبي مرة و البلوو مرة ...
فين أيام الحزب الوطني الديمقراطي بعزه و كرمه و إيده الفرطة ،، اللي لحق لحق خلاص يا مصريين ؟؟؟!!!
No comments:
Post a Comment