۩۩ يوميات "أنت جيت يا رمضان ؟؟!!" -- و فطرنا عالنيل ۩۩

اليوم : الأحد الموافق 12 / 08 / 2012 ... 

المناسبة : فطار على ضفاف نهر النيل !!!

يعني سيبت البلد و هجّيت ،،، و قولت أفطرلي يوم على ضفاف النيل ،، يقوم النور يقطع في المكان أكثر من ساعتين برضه ؟؟!! طب أنا و في إستأصاد من زمان و عرفناها ،، لكن الإخوة الصائمين اللي حواليا ذنبهم إيه ؟؟!! بس أنا إستغليت الفرصة الشاعرية التي طالما أن تتحقق ،، و خدتلي ركن على جنب أدام النيل الساحر و حطيت إيدي على خدي و فضلت أدندن " أمانة عليك ،، يا ليل طوّل ،، و هات العمر مالأول " ... D:

"قولت للنور عن إذنك أنا رايح أتفسح ،، قالي ليه هو أنا مكسح ؟؟!!"

بس سيبك من ده كله !!! أصعب حاجة ،، ذات مومنت لما ميه و نور يقطعوا عليك في ليلة وترية في العشرة الأواخر ... حاول تكون ايجابي و أكيد دي sign من ربنا إن صيامك في رمضان إتقبل !!!

المشكلة عندما يحلّ الظلام و يأتي ميعاد النوم إيدي مابتبقاش هاين عليها تتمد عشان تطفي النور قبل ما أنام ... أصل دايماً يجيلي هاجس : مين عارف حنطول النعمة دي تاني إمتى ؟؟!!!

۩۩     و رمضان كريم     ۩۩