Showing posts with label Irony. Show all posts
Showing posts with label Irony. Show all posts

Saturday, September 6, 2014

كوكاكولا أحلى مع إنجي









على ما أعتقد إن مايجيبوش إسمك في الإعلان أفضل بكتير من إنهم يفوّتوا كل المزز دي كلها و يجي حظ إسمك مع بواب بجلابيه و عِمّه  ...  مع إن  "إنچي"  كان يليق على  "قطط"  كتير ماللي في الإعلان يعني  !!!




قفلتوني مالCampaign الله يحرقكم





مونديال 2014 ... كوكا كولا





13/7/2014








في ناس كتير أوي مقتنعين إن فكرة حملة  "‫‏كوكاكولا أحلى مع‬..."   ناجحة جداً بس برضه حيشربوا ‫‏پيپسي‬ ...




... أنا من الناس دول ...








كمان في ناس كتير مقتنعين إن ‫‏ألمانيا‬ تستحق اللقب بس برضه كان نفسهم‫‏الأرچنتين‬ تكسب ...




... و أنا برضه من الناس دول :((( ...





مونديال 2014 ... Bye Bye Argentina





13/7/2014




Germany Vs. Argentine  1-0








ميركل قابلت مرسي فإتخلع في نفس السنة بمعجزة إلاهية  ...
الست كان وشها حلو عالمصريين  ،،  فأكيد وشها حلو على شعبها من باب أولى  ...  حضرتلهم الماتش بالچاكيته الحمرا  ،،  العيال رجعوا معاها لبلدهم بالكاس  ...







بس يا ريتها ماكنت تعبت نفسها و كلفت خاطرها و راحت  ،،  كان زمانّا دلوقتي بنحتفل بأولاد مارادونا  ،،  أرچنتيناااااااا بدل الألمان ولاد السخيفة دول  ...





مونديال 2014 ... فضيحة البرازيل





8/7/2014




Brazil Vs. Germany 1 - 7








ده حتى على سبيل الأصول  ،،  ماينفعش ضيف يغلط في واحد مستضيفه و يهزأه أوي كده في بيته و قصاد عيلته و عياله كمان  ،،  لا و يصورها و يزيعها عالجزيرة  !!!  يعني كان ماله لو كسبوا 1-0 يعني  ؟؟!!





زمن مايعرفش لا عيب ولا حرام 

‫

Tuesday, June 24, 2014

مونديال 2014 ... Latin America II




Italy  Vs.  Uruguay  ...  0-1






هو كاس العالم إيه غير تشيلي و كوستاريكا و حبة دول لاتينية فوق بعض  ...







كان من المقرر إن أمريكا اللاتينية تستضيف مبارايات كاس العالم بشكل عام ،،، هي بقى قررت تستضيف الكاس ذات نفسه و تكمّر عليه ،،، طب كانوا يقولوا نيتهم مالأول ووفرنا وقت و جهد و مصاريف و حرقة دم في متابعة التصفيات و بعدها سفر اللاعيبة و المشجعين و ريسيڤرات الجزيرة ... كان لازمته إيه الغلب ده كله ؟؟!!

مونديال 2014 ... Latin America I




Italy Vs Uruguay  ...  0-1







ودّيتوا فِرَق أوروبا فين يا حازم   !!!


أجي أتفرّج على الدور ال 16 مالاقيش ولا دولة أوروبية بتلعب  ؟؟!!!








Saturday, June 21, 2014

مونديال 2014 ... اللاعب المصري




France Vs. Switzerland  5 : 2 









" الفريق خسر بسبب الحالة النفسية لللعيبة و الإحباط اللي صابهم بعد دخول أول جول فيهم من الفريق المنافس "





دي جملة ما تسمعهاش غير من معلق مصري بيعلق على ماتش لفريق مصري ... اللاعب المصري هو الوحيد في العالم اللي بيلعب بحالته النفسية مش بمهارته أو خطة فريقه ...









عن لاعبي سويسرا أتحدث اللي جابوا جولين في آخر الشوط التاني رغم إن في كل الأحوال خاسرانين ب 5 أجوال بحالهم ... يعني مافيش أكتر من كده إحباط و حالة نفسية في الأرض ...





اللاعب المصري مكسّح بطبعه !!!





Friday, June 20, 2014

مونديال 2014 ... هلاوس كأس العالم





Italy Vs. Costa Rica 





يبدو إن ألمانيا حتكون الفرقة الوحيدة اللي حتوصل للنهائي ،،، و بكدة حتكون أول مرة في تاريخ كرة القدم فريق ياخد كاس العالم بالتذكية ...





و إحتمال دي تكون الطريقة الوحيدة اللي تخلي فانلة بيضاء تتغلب على العنة و تلمس كاس ...






مونديال 2014 ... Cheerleaders II






جوة كل إنسان منا حمدي وزير صغير بيظهر مع بداية كل ماتش لفرق بعينها في كاس العالم ...









حملة إقتل المتحرش اللي جواك ،،، فغضّ بصرك يا إما إقفل التليفزيون لو فالح ...






Wednesday, June 18, 2014

مونديال 2014 ... Cheerleaders I





Brazil Vs Mexico







المواطن المصري محتار ،، مش عارف يركزّ مع لعب فريق البرازيل ولّا مع لعب "مشجعي" فريق البرازيل  !!!








Tuesday, June 17, 2014

مونديال 2014 ... Pepsi Cans





Ghana Vs USA





في 10 Pepsi Cans مقلوبة على بوءها و بتجري في الملعب ...










مونديال 2014 ... الفانلة البيضاء IV





Ghana Vs USA





جول في الدقيقة قصدي في الثانية ال 00:20 يا كفرة ؟؟!! يعني ده اللي كان لسه بيدور على قناة الجزيرة أو اللي كان لسه بيقعد عالكنبة و بيدور عالريموت عشان يعلّي الصوت زي حالاتي أكيد فاته الجول  ...









ماهو أصل العيب عاللي لابسين الفانلة البيضة لا و stretch و ب"كينار" مزركش كمان مش أي كلام يعني  ...






مونديال 2014 ... الفانلة البيضاء III





Germany Vs Portugal 16/6/2014





عذراً  ،،،





يمكنك لعب كرة القدم بفانلة بيضاء  ،،  فقط إذا كنت تمتلك  "الماكينة"  الألمانية  ...






مونديال 2014 ... الفانلة البيضاء II





16/6/2014




من قوانين الرياضة في العصر الحديث ،، و بعد هزيمة كل من أسبانيا ،، إنجلترا ،، هندوراس ،، و غانا ...




"أوعى تلبس أبيض و أنت بتلعب كرة قدم"





الفانلة البيضة راكبها جوست  !!!






مونديال 2014 ... الفانلة البيضاء I





Italy Vs England  15/6/2014







إنجلترا لابسه أبيض ؟؟!! إذاً مبروك على إيطاليا الماتش إن شاء الله :))









روح الزمالك الشريرة بتحوم في قلب الإستاد ...






Sunday, January 27, 2013

أصلو ماعدّاش على مصر







التليفزيون المصري كالعادة بيتألق وقت الأزمات :  مرشات عسكرية و أغاني عن أمجاد بور سعيد  !!!













بعد إذاعة أغنية  " يا حبيبتي يا مصر "  للفنانة شادية بصفة مستمرة لمدة عامين منذ إندلاع الثورة  ...




يظهر التليفزيون المصري في ثوبه الجديد مواكباً للأحداث الأخيرة بأغنية جديدة  " أمانة عليك أمانة يا مسافر بورسعيد "  و برضه للفنانة شادية  !!!









و هذا يكون إستمراراً لفاعليات حملة إبهار العالم  ...  المجد كل المجد للإعلام المصري  !!!





مع كل التحية و التقدير للفنانة شادية لنظرتها المبعدية و إهدائها مسبقاً للشعب المصري أغنية تناسب كل مأساة من المأسي التي يواجهها المصريين حتى يومنا هذا  !!!






Thursday, January 10, 2013

إني أتجّمد !!!










 عندما يُعشَق   "  اللاكلووك  "   !!!









 و أتاري حتى الإنحباس الحراري في الكرة الأرضية اللي بيخوفونا من أمّه طلع مجرّد فزّاعة هو كمان  !!!





أداداداداداددادادا  !!!






Thursday, November 22, 2012

Je parle francais comme les oiseaux !!!










بعيداً عن الأحداث الأخيرة و عن المازنأ اللي إحنا فيه ... و أنا مروّحة مالشغل اليوم و بسمع مزيعة عالراديو بتنقل خبر تظاهر طلاب و أهالي طلاب مدرسة "الليسيه" إحتجاجاً على إحتلال الشرطة لأسطح المدرسة ...




و ألاقي المذيعة بتحط ال "تتش" بتاعها ة تقولك يا بيه : طبعاً الطلاب و أهلهم معاهم حق و من حقهم متابعة العام الدراسي في جو هادئ و ربنا معاهم و نهديلهم بالمناسبة دي أغنية "فرنسية" مساندة ليهم ...









-- "طب و المصحف منا رادد"






Friday, October 19, 2012

Felix Vs Egyptians !!!









فليشهد التاريخ أن النمساوي فيليكس دخل التاريخ من أوسع أبوابه و سجل أسمه في موسوعة جينيس للأرقام القياسية للسقوط الحر بعد أن إخترق الغلاف الجوي و وصل كوكب الأرض في فترة لا تزيد عن ال 3  دقائق و يوجد إحتمالات لإختراقه لحاجز الصوت  ...







و من مصادفات القدر أن في نفس الأسبوع ذاته يدخل المواطن المصري أيضاً التاريخ من أوسع طرقه ليسجل أسمه في موسوعة جينيس للأرقام القياسية للصبر بعد أن إخترق طريق مصر إسماعيلية الصحراوي و وصل مصر الجديدة في فترة لا تقل عن ال 3  ساعات و يوجد إحتمالات مؤكدة لإختراقه لحاجز الصمت و ضبط النفس و الأداب العامة  ...











إسماعيلية بقيت رايح بس ،، مافيش جاي خالص بقى !!!







Monday, October 15, 2012

Felix !!!











و ها هو فيليكس يسجل أسمه في موسوعة جينيس للأرقام القياسية بعد أن حطّم الرقم القياسي في السقوط الحر بتحطيمه للقواعد الفيزيائية و لكسر حاجز الصوت  ...





و ها هو الشعب المصري يسجّل لمسته الإبداعية و خياله الخصب في موسوعة الفيسبوك بعد أن حطّم الرقم القياسي في سرعة إطلاق هذا الكمّ الهائل من النكت على فيليكس و قفزته  ...





إنه حقاً شعب مسخره و إبن نكته  !!!



كم أنت عظيم يا شعب مصر  !!!